“येशूको पछि म हिँड्न” २७६ नं भजन भित्रको वास्तविकता

नेपाली ख्रीष्टिय भजन नं. ३७६ मा एउटा निक्कै मार्मिक र आत्मिक खुराक बोकेको भजन छ । त्यो भजन हो, “येशूको पछि म हिँड्न” । यो भजन भर्खरै ख्रीष्टमा विश्वास गरेकाहरूको निम्ति विश्वासको संकल्पको ध्वनी स्वरूप गुन्जिने आशा र विश्वास सहितको भजन हो भने विश्वासमा परिपक्व भइरहेका र भइसकेकाहरूको निम्ति गहिरो विश्वास र मुक्तिको मार्गमा निरन्तर ख्रीष्टसँगै भएर अगाडी बढ्न उत्प्रेरणा दिने भजन हो ।

येशूको पछि म हिँड्न लागें भन्ने भजन भारतको आसामका एक गारो जनजाति आफ्नो विश्वासको कारण मारिनु अघि एक बोलेको अन्तिम वाक्यहरुलाई गीतको रूप दिएर भजन बनाइएको थियो ।  

करिब आज भन्दा १५० वर्ष अघि धेरै मिसनरीहरू सुसमाचार प्रचार गर्न भारतको उत्तरपुर्वी आसामको मेघालय भन्ने स्थानमा रहेको गारो जातिहरूको समुदायमा गएका थिए । उनीहरूले धेरै वर्ष सम्म निरन्तर ख्रीष्टको प्रचार गरिरहे, जसको फलस्वरूप त्यस गाउँको नोक्सेङ भन्ने व्यक्ति र उनको परिवारले येशू ख्रीष्टमा विश्वास गरे । उनीद्वारा त्यस गाउँका धेरै मानिसहरूले ख्रीष्टको सुसमाचार सुने र कतिले विश्वास पनि गरे । जब आफ्नो गाउँका मानिसहरू अन्य धर्ममा  बढ्दै गएको त्यस गाउँका मुखियाले चाल पाए तब नोक्सेङको यस कार्यलाई रोख्नका लागि विभिन्न योजनाहरू निमार्ण गरे । किनकि नयाँ धर्मको फैलिएको उनलाई मन परेको थिएन् ।

यसैकारणाले मुखियाले सबै गाउँलेहरूलाई भेला गराए र नोक्सेङ र उनका परिवारलार्इ पनि त्यस भेलामा बोलाए । नोक्सेङ र उनका परिवारलाई आफ्नो नयाँ र्धम त्याग्नको लागि मुखियाले कर लगाए । सबै मानिसहरूको सामु येशू माथि गरेको विश्वासलाई त्याग्न कर लागाए पनि उसले भने येशूमाथि गरेको विश्वासलाई त्याग्न मानेन् र यसैले नोक्सेङले सबै गाउँले र मुखियाको सामु भने “मैले येशूको पछि लाग्ने निर्णय गरिसकेको छु, अब म फर्कंदिन ।” 

जब यो कुरा मुखिया सुने तब मुखिया रिसले चुर भए र नोक्सेङका दुवै बच्चाहरुलाई त्यहि सबै गाउँलेको सामु काँड (वाण) हान्न लगाए । आँखै अगाडी उसका दुई छोराहरु मारिए । फेरी मुखियाले सोध्यो अब त तेरो नयाँ धर्म त्याग तब उसले जवाफ दियो, “मेरो पछि कोहि नआएपनि म येशूकै पछि लाग्छु”  मुखिया झनै चुर भए र उसको श्रीमती लाई पनि काँडले हारेन मार्न लगाए, उनको श्रीमती तुरून्तै मरिहालिन् । मुखियाले फेरी भन्यो, यो तेरो अन्तिम मौका हो, नयाँ धर्म त्याग्छस् कि त्यग्दैनस्, तब नोक्सेङले भने, “क्रुस मेरो अघि छ र संसार मेरो पछि म फकिंदिन”  तुरुन्तै उसलाई पनि काँड हानेर मारियो । येशू ख्रीष्टमा विश्वास गरेकै कारण र येशूलाई इन्कार गर्न नमानेको कारण एकै स्थानमा ४ जना ख्रीष्टको निम्ति बलिदान भए ।

जब यो घटना भयो तब मुखिया निशब्ध भए । उनी सोच्न बाध्य भए कि

“किन यो केटो टाढाको त्यो येशूको निम्ति मर्न तयार भए ?”

यस प्रश्नले उनलाई निक्कै गहिरो प्रभाव पार्यो र येशू को हुनुहुन्छ भनेर सोधखोज गर्न थाले । केही समय पछि येशूको बारेमा उनले असल तरिकाबाट बुझे र उनले पनि येशू ख्रीष्टलाई विश्वास गरे । उनी ख्रीष्टलाई पछ्याउने एक विश्वासी भए । उनले मात्र येशू माथि विश्वास गरेनन् तर उनीसँगै गाउँका धेरै मानिसहरूले पनि ख्रीष्टमा विश्वास गरे ।

          यिनै आसामको गारो गाउँको नोक्सेङको शब्दमा आधार गरेर यो गीत बनाइएको हो । नाक्सेङ्गको शब्दलाई गित बनाउने काम साधु सुन्दर सिंह ले गरेका हुन भनेर मानिन्छ । यस गितमा अमेरीकन भजन सम्पादक विलियम जेन्सेन् ले संगीवद्द गरेका हुन् । इ.सं. 1959 या यस गीतलाई भजन पुस्तकमा समावेश गरियो ।

भजनको मूल वास्तविकता (The True Story)

यो भजन केवल एउटा गीत मात्र नभएर, भारतको असम राज्यका एक व्यक्तिको अन्तिम आत्मसमर्पणको अभिव्यक्ति हो ।

• मूल स्थान: यो भजन भारतको असमका ‘नोक्सेन’ (Noxen) नामक व्यक्तिको अन्तिम शब्दहरूमा आधारित छ । करिब १५० वर्षअघि ग्यारो (Garo) जनजातिमा सुसमाचार पुग्दा उनले र उनको परिवारले इसाई विश्वास स्वीकार गरेका थिए।
• बलिदानको कथा: गाउँका मुखियाले उनलाई विश्वास त्याग्न दबाब दिँदै उनका दुई छोरा र श्रीमतीको हत्या गरे । प्रत्येक मृत्युपछि मुखियाले “के तिमी अझै पनि येशूलाई पछ्याउँछौ?” भनी सोध्दा उनले यी वाक्यांशहरू भनेका थिए:
  1. “येशूको पछि म हिँड्न लागें” (I have decided to follow Jesus) ।
  2. “कोही नआए पनि म त पछ्याउँछु” (Though no one join me, still I will follow) ।
  3. “संसारलाई छोडी क्रूसलाई हेर्दै” (The world behind me, the cross before me) ।
• परिणाम: उनको यस्तो अटल विश्वास देखेर पछि त्यो गाउँका मुखिया र सम्पूर्ण गाउँले नै विश्वास परिवर्तन गरे।

भजनको पूर्ण भागः

नेपाली ख्रीष्टिय भजन-३७६

१. येशूको पछि म हिँड्न लागेँ दुनियाँलाई त्यागी क्रस नै बोकी ।

कोः येशूको पछि म हिँड्न लागेँ (फर्कंदिनँ) २

२. आमाले मलाई, बुबाले मलाई, सबैले मलाई त्यागे तापनि ।

३. माटोको मेरो क्षणभङगुर शरीर माटैमा फेरि नमिलेसम्म ।

चुनौतीः सारा संसार ख्रीष्टको विपक्षमा हुदाँ पनि के तपाई ख्रीष्ट कै पक्षमा हुनुहुन्छ ?

चुनौतीः सारा संसार ख्रीष्टको विपक्षमा हुदाँ पनि के तपाई ख्रीष्ट कै पक्षमा हुनुहुन्छ ?