इजकिएलको पुस्तक को ३७:१–१४ मा प्रसिद्ध “सुक्खा हड्डीहरूको बेँसी” को दर्शन उल्लेख गरिएको छ । यस खण्डलाई बुझ्न त्यस समयको ऐतिहासिक र आत्मिक अवस्थालाई बुझ्नु आवश्यक हुन्छ । ऐतिहासिक पृष्ठभूमि इजकिएल यहूदी पुजारी तथा अगमवक्ता थिए । उनी बेबिलोनको निर्वासनको समयमा परमेश्वरको वचन सुनाउने सेवक थिए । बेबिलोनका राजाले यरूशलेममाथि विजय प्राप्त गरेपछि धेरै इस्राएलीहरूलाई बेबिलोनमा निर्वासनमा लगियो । यरूशलेम ध्वस्त भयो र अन्ततः मन्दिर पनि नष्ट भयो । यस परिस्थितिले इस्राएलीहरूमा ठूलो निराशा ल्यायो । उनीहरूले आफ्नो देश, राजधानी, मन्दिर र राष्ट्रिय भविष्य गुमाएको जस्तो महसुस गरे । उनीहरूको अवस्था यस्तो थियो कि: “हाम्रा हड्डीहरू सुकिसके, हाम्रो आशा नष्ट…

मानिसको असफलतालाई सामान्यतया आर्थिक कमजोरी, अवसरको अभाव, गलत निर्णय, शिक्षा वा सामाजिक परिस्थितिसँग जोडेर हेर्ने गरिन्छ। यी पक्षहरू निश्चित रूपमा महत्वपूर्ण छन्। तर बाइबलीय दृष्टिकोणबाट हेर्दा मानिसको जीवनमा देखिने असफलता केवल बाह्य परिस्थितिको परिणाम होइन; यसको गहिरो सम्बन्ध मानिसले आफूलाई कसरी बुझ्छ, आफ्नो आध्यात्मिक अवस्थालाई कसरी मूल्याङ्कन गर्छ, सत्यलाई कसरी ग्रहण गर्छ र परमेश्वरसँगको सम्बन्धलाई कसरी स्थापित गर्छ भन्ने कुरासँग हुन्छ। उत्पत्तिले मानिसलाई परमेश्वरको स्वरूपमा सिर्जना गरिएको प्राणीका रूपमा प्रस्तुत गर्छ। पावलले एफिसीहरूलाई लेख्दा मानव जीवनको पतित अवस्था, पापको प्रभाव र ख्रीष्टमा प्राप्त हुने नयाँ जीवनबीच स्पष्ट भिन्नता देखाउँछन्। त्यसैगरी यूहन्नाको सुसमाचारले मानिसको अन्तिम गन्तव्य र परमेश्वरसम्म पुग्ने बाटो येशू…

परिचय पवित्र बाइबलमा रहेका ऐतिहासिक पुस्तकहरू तथा ठूला अगमवक्ताहरूका पुस्तकहरूले परमेश्वर र मानिसबीचको सम्बन्ध, इस्राएलको इतिहास, मानिसको पाप, परमेश्वरको न्याय तथा उद्धारको योजनालाई विभिन्न दृष्टिकोणबाट प्रस्तुत गरेका छन् । तीमध्ये यशैया पुस्तक मेरो लागि विशेष महत्त्वपूर्ण पुस्तक हो । यस पुस्तकमा तत्कालीन इस्राएलको सामाजिक, धार्मिक र राजनीतिक अवस्थाको चित्रण मात्र नभई परमेश्वरको पवित्रता, न्याय, अनुग्रह, पश्चात्ताप, उद्धार र आउने मसीहसम्बन्धी अत्यन्त गहिरा सन्देशहरू पाइन्छन् । यशैया पुस्तकलाई अध्ययन गर्दा मैले एउटा महत्वपूर्ण कुरा बुझ्न सकेँ  । परमेश्वरको न्याय र उहाँको प्रेम एक अर्काका विरोधी होइनन् । मानिसको पापप्रति परमेश्वर गम्भीर हुनुहुन्छ, तर उहाँले मानिसलाई विनाशमा छोड्न चाहनुहुन्न । त्यसैले न्यायको…

ख्रीष्ट र मार्क्सलाई बुझ्ने कि आरोप लगाएर पन्छिने? आज सामाजिक सञ्जालमा धर्म, विज्ञान र राजनीतिक विचारधाराबारे तीखा टिप्पणीहरू पढ्न पाइन्छन्। प्रस्तुत पोस्टमा पनि मार्क्स र ख्रीष्टलाई एउटै प्रसङ्गमा राख्दै ख्रीष्टियन विश्वासमाथि केही गम्भीर आरोप लगाइएको छ। त्यसमा ज्योतिष र तन्त्र नपढेको, विज्ञानले नसमेटेका विषयहरूलाई स्वीकार गरेको, चमत्कार, पैसा, औषधि र विभिन्न प्रलोभनका कारण मानिसहरू धर्म परिवर्तन गराइएका छन् भन्ने आशय देखिन्छ। यस्ता दाबीलाई भावनात्मक रूपमा होइन, तर्क, इतिहास र मूल स्रोतका आधारमा जाँच्नुपर्छ। १. ख्रीष्टियन धर्मको आधार ज्योतिष वा तन्त्र होइन सबैभन्दा पहिले एउटा आधारभूत भ्रम हटाउन आवश्यक छ। ख्रीष्टियन विश्वासले मानिसलाई ज्योतिष, तन्त्र वा भविष्यवाणी गर्ने अभ्यासहरू अध्ययन नगरेको…

दाउदको करार (Davidic Covenant) पुरानो करारको धर्मशास्त्रमा अत्यन्त महत्वपूर्ण अवधारणा हो, जसको प्रमुख विवरण २ शमूएल ७:८–१६ मा पाइन्छ। यस करारमा परमेश्वरले दाउदको “घराना,” “राज्य” र “सिंहासन”लाई स्थायित्व दिने प्रतिज्ञा गर्नुभएको देखिन्छ। दाउदले परमेश्वरका लागि एउटा “घर” निर्माण गर्न चाहेको अवस्थामा परमेश्वरले उल्टै दाउदका लागि “घर” निर्माण गर्ने प्रतिज्ञा गर्नु यस आख्यानको साहित्यिक तथा धर्मशास्त्रीय केन्द्र हो। करारको तत्कालीन सन्दर्भमा यसको सम्बन्ध दाउदको राजवंश र विशेषतः सोलोमनसँग देखिन्छ; तर पछिल्ला बाइबलीय ग्रन्थहरूमा यसले दाउदवंशी राजाको भविष्यगत आशा तथा मसीही अपेक्षालाई आकार दिन्छ। आधुनिक बाइबलीय अध्ययनमा दाउदको करारलाई प्राचीन निकटपूर्वका राजवंशी प्रतिज्ञा/अनुदान (royal grant) परम्परासँग तुलना गरिए पनि यसको बाइबलीय स्वरूपलाई…

प्रधान पूजाहारी मल्कीसेदेक (हिब्रू ७:१–२८) हिब्रूको पुस्तकको मुख्य उद्देश्य येशू ख्रीष्ट सबैभन्दा महान् हुनुहुन्छ भन्ने कुरा प्रमाणित गर्नु हो। उहाँ स्वर्गदूतहरूभन्दा महान् हुनुहुन्छ, मोशाभन्दा महान् हुनुहुन्छ, यहोशूपेक्षा महान् हुनुहुन्छ, र हारूनको पूजाहारीपनभन्दा पनि उच्च तथा सिद्ध प्रधान पूजाहारी हुनुहुन्छ। विशेष गरी हिब्रू अध्याय ७ मा लेखकले येशू ख्रीष्टको प्रधान पूजाहारीपनलाई प्रमाणित गर्न मल्कीसेदेकको उदाहरण प्रस्तुत गरेका छन्। पुरानो करारअनुसार प्रधान पूजाहारी बन्नका लागि लेवी कुल, विशेष गरी हारूनको वंशबाट हुनुपर्ने व्यवस्था थियो (प्रस्थान २८:१; गन्ती १८:१–७)। तर येशू ख्रीष्ट यहूदाको कुलबाट जन्मनुभएको थियो (हिब्रू ७:१४)। त्यसैले यहूदीहरूका लागि उहाँ प्रधान पूजाहारी कसरी हुन सक्नुहुन्थ्यो भन्ने प्रश्न स्वाभाविक थियो। यही प्रश्नको…

               आत्मिक अनुशासन भन्नाले ख्रीष्टियन जीवनलाई स्थिर, बलियो, पवित्र र फलदायी बनाउनका लागि गरिने ती आत्मिक अभ्यासहरूलाई जनाउँछ, जसले विश्वासीलाई परमेश्वरसँग गहिरो सम्बन्धमा लैजान्छ। आत्मिक अनुशासनको उद्देश्य केवल बाहिरी धार्मिक विधिविधान होइन, तर विश्वासीको चरित्र निर्माण, आत्मिक परिपक्वता, पवित्र जीवन र सेवकाईमा प्रभावकारीता हो।  प्रेरित पावलले स्पष्ट रूपमा भनेका छन्: “भक्तिहीन र अर्थहीन कथाहरूदेखि एकदमै अलग बस। बरु आफैलाई भक्तिमा तालिम देऊ। किनभने शारीरिक तालिम केहीसम्‍म लाभको हुन्‍छ, तर ईश्‍वरभक्तिचाहिँ हरप्रकारले लाभदायक हुन्‍छ, किनकि यसमा वर्तमान र भविष्‍यत्‌ जीवन दुवैको निम्‍ति प्रतिज्ञा रहेको हुन्‍छ।” (१ तिमोथी ४:७–८) यस पदले आत्मिक अनुशासनलाई अर्थात् “प्रशिक्षण” को रूपमा चित्रण गर्दछ। जसरी खेलाडीले पदक जित्न…

सामाजिक न्याय (Social Justice) आज विश्वव्यापी रूपमा बहसको विषय बनेको छ। मानव अधिकार, समान अवसर, गरिबी निवारण, लैङ्गिक समानता, जातीय विभेदको अन्त्य, बालअधिकार, श्रमिकको सम्मान तथा शान्तिपूर्ण सहअस्तित्वजस्ता विषयहरू सामाजिक न्यायका महत्वपूर्ण पक्ष मानिन्छन्। यी विषयहरू आधुनिक अन्तर्राष्ट्रिय कानुन र मानव अधिकार घोषणापत्रमा मात्र सीमित छैनन्; यिनको गहिरो नैतिक आधार प्राचीन धार्मिक ग्रन्थहरूमा पनि पाइन्छ। बाइबल त्यस्ता ग्रन्थहरूमध्ये एक हो, जसले मानव मर्यादा, न्याय, दया, उत्तरदायित्व र प्रेमलाई सामाजिक जीवनको आधारभूत मूल्यका रूपमा प्रस्तुत गर्दछ। बाइबलको सामाजिक न्यायसम्बन्धी शिक्षालाई केवल कुनै विशेष धर्मावलम्बीका लागि मात्र होइन, नैतिक दर्शन, सामाजिक विज्ञान, मानव अधिकार र सार्वजनिक नीतिको दृष्टिकोणबाट पनि अध्ययन गर्न सकिन्छ।…