बख्त सिंहको जन्म ख्रीब्टाब्द १९०३ जून ६ गते भारतको पञ्जाबमा भएको थियो । उनले ख्रीष्टियन मिसनरी स्कूलमा अध्ययन गरका थिए । बख्त सिंहले ख्रीष्टियानहरु प्रति निकै घृणा पूर्ण भावले भरिएका थिए । जब उनले प्राथमिक तहको उर्तीण गरे तब कसैले उनलाई एउटा बाइबल दिएको थियो । उनले त्यस बाइबललाई च्याति दिएका थिए । उनले आफ्नो अधिकांश समय शिख मन्दिरमा बिताएका थिए र रितिरिवाजको पालना गर्ने गर्दथे ।
जब उनले पञ्जाब विश्वविद्यालयबाट स्नातक गरे तब उनको इच्छा इङ्गल्याण्डमा गएर उच्च शिक्षा अध्ययन गर्ने थियो तर उनका पिताले भने आफ्नो व्यवसायमा सहायता गरोस भन्ने चाहान्थे । उनको विदेशमा गएर अध्ययन गर्ने तिब्र चाहाना राखेका हुनाले उनको आमाले एउटा शर्त माने मात्र विदेशमा अध्ययन गर्न पठाउने भने त्यो थियो, उनले आफ्नो धर्म परिवर्तन गर्न पाइदैन थियो । उनका आमा पिता उनको पक्षमा थिएनन् किनकि त्यहाँ गएपछि ख्रीष्टियान वातावरणको कारणले बख्त सिंह पनि ख्रिष्टियान हुन्छ कि भन्ने डर उनको आमा पितामा थियो । सोही कारणले पनि उनले ख्रीष्टियानहरुलाई एक तुच्छ नजरमा हेर्थे । बख्तले धर्म परिवर्तन नगर्ने प्रतिज्ञा आफ्ना आमासँग गरेको कारण थप अध्ययनको लागि उनलाई विदेशमा पठाए ।
१९२६ मा उच्च शिक्षाको लागि इङ्गल्याण्डमा गए र कृषि बिषयमा इन्जिनियरिङ पढे । सुरुका ३ महिनासम्म आफ्नो धर्ममा निकै निष्ठावान र कट्टर थिए तर बिस्तारै उनी नास्तिकताको पथ समात्न खोजे । यहि क्रममा उनले धेरै लागुऔषधीहरुको प्रयोग गर्न थाले । अध्ययनकै क्रममा १९२८ मा विद्यालयका विद्यार्थीहरु छुट्टी मनाउन क्यानाडा जाने तयारीमा थिए त्यसैकारण उनी पनि साथीहरुसँग घुम्न जान पानी जहाजका साथीहरुसँग सहभागी भए । १९२८ अगस्ट १० मा उनले एउटा सुचना प्राप्त गरे, विहानको खानामा एउटा ख्रीष्टियान संगती हुन्छ । तब सबै जना गएको कारण उनी पनि त्यस संगतीमा सहभागी भए तर उनी वचनको बेला भन्ने मज्जाले निदाए । जब संगतीको अन्त्य तिर आइपुग्यो तब उनी निन्द्राबाट ब्युझिए र उनले आफ्नो दायाँ र बायाँका मानिसहरु घुडा टेकेर प्रार्थना गरिरहेको देखे । तब उनले पनि धर्म प्रति आदार प्रटक गर्न घुडाँ टेके तब उनले फरक अनुभुति गरे । उनले भित्र आत्मामा शान्तिको अनुभव गरिरहेका थिए भने बाहिरी रुपमा उनी कामी रहेका थिए र येशूको नाम बारम्बार लिई रहेका थिए । जब संगती समाप्त भयो तब उनले आफ्नो साथीसँग बाइबल मागे र उनको साथीले उनलाई नयाँ नियमको बाइबल दिए । जब उनले बाइबल पाए तब पहिलो दिनमा पढे, दोस्रो दिनमा पनि पढे र उनी अध्ययन गर्दै युहन्नाको ३ अध्यायमा आइपुग्दा आफ्नो पापहरु सम्झे र धेरै रोए र आफ्नो पापको क्षमा मागे र येशू मेरो हृदयमा हुनुहुन्छ भन्ने कुराको आभास उनले पाए ।
१९३२ फ्रेबरी ४ मा क्यानाडामा उनले बप्तिस्मा लिए । त्यस पश्चात उनी विभिन्न स्थानहरुमा गई सुसमाचार प्रचार गरे । उनी विदेश गएको ८ बर्ष पछि आफ्नो देश फर्के । तब उनका आमा पिताले उनलाई आफ्नो शिख धर्ममा फर्किने बारेमा सल्लाह दिए तब सिंहले जबाफ दिए, “सास नफेरी के म बाच्नु सक्छु ? येशू नै मेरो जीवन हुनुहुन्छ भने उहाँ बिना म कसरी बाच्न सक्छु र ?” उनका पिताले पनि धेरै समयपछि येशूमा विश्वास गरेका थिए ।
बख्तलाई दक्षिण एसियाको एक महान ख्रीष्टियान प्रचारका साथै भारतका विल्ली ग्राहम भनेर पनि चिनिन्छ । उनलाई बाइबलीय शिक्षा र भारतमा मण्डली आन्दोलनको तथा सुसमाचार प्रचारमा एक महान हस्तीको रुपमा लिने गरिन्छ । साथै उनलाई “२१ औँ शताब्दीको एलिया”को रुपमा पनि लिने गरिन्छ । उनले भारतमा १० हजार भन्दा धेरै मण्डलीहरु स्थापना गरेका थिए । उनको मृत्यु ख्रीष्टाब्द २००० सेप्टेम्बर १७ मा भयो ।
