खोज तथा अनुसन्धान

बाइबलीय ईश्वरशास्त्र भनेको बाइबलभित्र देखिने परमेश्वरको प्रकटतालाई त्यसको ऐतिहासिक विकासक्रम र उद्धार इतिहास  अनुसार अध्ययन गर्ने शास्त्र हो।[1] यसको उद्देश्य एउटै प्रणालीगत सिद्धान्त बनाउनु होइन, बरु परमेश्वरले बाइबलको इतिहासमा क्रमशः कसरी आफ्ना योजनाहरू प्रकट गर्दै जानुहुन्छ भन्ने कुरालाई देखाउनु हो। यसले विषयगत  भन्दा बढी ऐतिहासिक क्रमकथालाई महत्व दिन्छ।[2]             यसले पुरानो नियम र नयाँ नियमबीचको सम्बन्धलाई पनि हेर्छ  जसरी परमेश्वरको करार, राज्य, र उद्धार क्रमशः स्पष्ट हुँदै गएको छ। यसर्थ, बाइबलीय ईश्वरशास्त्रले “बाइबलले आफैलाई आफै कसरी व्याख्या गर्छ” भन्ने आधारमा हाम्रो बुझाइलाई गहिरो पार्छ ।[3]             बाइबलीय धर्मशास्त्रको अध्ययन आफैमा एउटा उद्देश्य होइन। यो परमेश्वरको प्रेरित वचनको रूपमा बाइबललाई राम्रोसँग बुझ्नको लागि एउटा उपकरण हो । बाइबलीय धर्मशास्त्रले हामीलाई ठूलो तस्वीर हेर्न, बाइबललाई एकसाथ राख्ने विषयवस्तुहरूको कदर गर्न, कथा…