पुरानो करारको संक्षिप्त परिचय

बाइबलको पहिलो भाग पुरानो करार हो । पुरानो करारमा जम्मा ३९ वटा पुस्तकहरू रहेका छन् । यी पुस्तकहरूको लेखक विशेष गरी यहुदीहरू नै हुन् । पुरानो करारमा विशेष गरी परमेश्वरले आफ्ना मानिसहरूलाई कसरी अगुवाई गर्नुभयो र उनीहरू सुरक्षा गर्नु भयो भन्ने कुरामा आधारित भएता पनि यसको संदेश सम्पूर्ण मानव जातिको लागि उद्धारको योजनामा आधारित छ । रिक सि.हावाई पुरानो करारमा बारेमा लेख्छन्, “पुरानो करारले यहुदी राज्यको बारेका धेरै ऐतिहासिक तथ्यहरू बताउँछ तर यो इतिहासभन्दा पनि धेरै छ । परमेश्वर आफै मानिसहरूकहाँ प्रकट हुनुभएको कुरा हामीलाई बताउने पवित्र इतिहास यो हो । इस्राएल भनिने राज्यसँग परमेश्वरले कसरी काम गर्नुभयो भन्ने कुरा पुरानो करारले हामीलाई देखाउँछ । यद्यपी, परमेश्वर इस्राएलका परमेश्वर मात्र हुनुहुन्न, तर उहाँ जताततैका सबै मानिसहरूका सर्वाेच्च शासक पनि हुनुहुन्छ । पुरानो करारको आधारभूत विषयवस्तु शक्तिशाली कार्यहरू र अगमवाणीक शब्दहरूद्वारा मानवजातिकहाँ परमेश्वरले आफ्नो स्वभावलाई प्रकट गर्नु हो ।” 

पुरानो करार यहुहीहरूको धर्मग्रन्थ हो । यहुदीहरूले पुरानो करारका सबै पुस्तकहरूलाई अर्थात हामीले प्रयोग गर्ने ३९ वटै पुस्तकहरूलाई पवित्र धर्मशास्त्रको रुपमा विश्वास गर्दछन् । तर उनीहरूले ३९ वटा पुस्तकहरूलाई २४ वटा पुस्तकमा समावेश गरेका छन् । “हिब्रू पुरानो करारमा २४ ओटा पुस्तक छन् र तिनलाई तीन भागमा वर्गीकरण गरिएको छः पञ्चग्रन्थ, अगमवक्ताहरू र लेखनहरू ।

ख्रीष्टियानहरूको पुरानो करारमा ३९ ओटा पुस्तकहरू छन् । सङ्ख्यामा भिन्नता भए तापनि हिब्रू पुरानो करारका पुस्तकहरू  ख्रीष्टियानहरूको पुरानो करारका पुस्तकहरू भने उही नै हुन् ।”  पुरानो करारमा ३९ वटा पुस्तकहरू छन् भने यसलाई ५ भागमा विभाजन गरिएको छ । यस बिषयमा एल.जेटर वाकर लेख्छन्, “पुरानो करारले सृष्टि र यहुदी राज्यको कथा जस्ता केही ऐतिहासिक कुरा उल्लेख गरेको भए तापनि यसमा अझै धेरै अरु कुराहरू पनि छन् । कहिलेकाहीँ एउटै कथालाई पनि अर्काे दृष्टिकोणबाट भनिएको वा दोहो¥याइएको छ । भविष्यवाणीहरू त्यही बेला पूरा भए र पुस्तकहरूमा प्रेम कहानी, कविता, संगीत, हितोपदेश जस्ता कुराहरूलाई गहिरो रुपमा उल्लेख गरिएको छ । इतिहासका पुस्तकहरूले तिनीहरूका वीरहरूका बारेमा हामीलाई बताउँछन्, तर पुरानो करारले तिनीहरूको दिनका साधरण व्यक्तिहरूलाई पनि समावेश गरेको छ । यी कथाहरू कम महत्वपूर्ण छैनन् किनकि तिनीहरूले हामीलाई परमेश्वरले आफ्ना मानिसहरूसँग कसरी व्यवाहार गर्नुहुन्छ त्यसको स्पष्ट चित्रण दिन्छन् । पुरानो करारका पुस्तकहरूलाई पाँच मुख्य विषयहरूमा बाँड्न सकिन्छ ।”

• व्यवस्थाका पुस्तकहरू: मोशाका ५ पुस्तकहरू: उत्पत्ति, प्रस्थान, लेवी, गन्ती र व्यवस्था
• ऐतिहासिक पुस्तकहरूः १२ वटा पुस्तकहरू: यहोशू, न्यायकर्ता, रुथ, १ र २ शमुएल, १ र २ राजाहरू, १ र २ इतिहास, एज्रा, नहेम्याह, र एस्तर
• कवितात्मक पुस्तकहरूः ५ वटा पुस्तकहरूः अयूब, भजनसंग्रह, हितोपदेश, उपदेशक र श्रेष्ठगीत
• ठूला अगमवक्ताका पुस्तकहरूः ५ वटाः यशैया, यर्मिया, विलाप, इजकिएल र दानिएल
• साना अगमवक्ताका पुस्तकहरूः १२ वटाः होशे, योएल, आमोस, ओबदिया, योना, मिका, नहूम, हवकूक, सपन्याह, हाग्गै, जकरिया र मलाकी

यी माथिका ३९ पुस्तकहरू नै पुरानो करारको पुस्तकहरू हुन् । यी ३९ ओटा पुस्तकहरूलाई युहुदीहरूले २४ वटा बनाइ प्रयोग गर्दछन् । संख्यामा भिन्नता भएता पनि पुस्तकहरू चाहिँ बरार नै हुन् ।