नयाँ करारको बारेमा जानकारी

बाइबलको दोस्रो भाग नयाँ करार हो । नयाँ करारका २७ वटा पुस्तकहरू छन् । नयाँ करारको पुस्तकलाई ख्रीष्टाब्दमा लेखिएको हो । नयाँ करार विशेष गरी येशू ख्रीष्टको जीवन र उहाँले दिनुभएको शिक्षामा आधारित छन् । नयाँ करारमा जम्मा २० वटा पत्रहरू छन्, जसमा पावले १३ वटा पुस्तकहरू लेखेका छन् । नयाँ करारमा ४ वटा सुसमाचारका पुस्तकहरू छन् भने ऐतिहासिक पुस्तक १ ओटा छन् । यति मात्र होइन भविष्यवाणीको पुस्तक पनि १ ओटा रहेको छ । नयाँ नियमको पुस्तकहरू बारे जीन–बप्तिस्टे स्वाडोगो र मारसीया ए.मङ्गर लेख्छन्, “मानिसलाई परमेश्वरकहाँ फर्काएर ल्याउनको निम्ति परमेश्वर आफै मानव बन्नु भएको आश्चर्यकर्म पाइन्छ । यो नयाँ नियम हो  किनकि परमेश्वरले येशू ख्रीष्टद्वारा मानिससँग नयाँ सम्बन्ध वा मिलाप जोड्नु भएको कुरा यसले घोषणा गर्छ । पुरानो नियमले व्यवस्थाद्वारा परमेश्वरको धार्मिकताको प्रकट गराउँछ भने नयाँ नियमले येशू ख्रीष्टको अनुग्रह र सत्यताबाट प्रकट गराउँछ ।”  नयाँ करारको व्याख्या गर्ने क्रममा लेखक कमल अधिकारी लेख्छन्, “बाइबलको दोस्रो भाग नयाँ करार हो । यस भागमा २७ ओटा पुस्तकहरू छन् । लगभग ख्रीष्टाब्द ४७ देखी ९५ को बीचमा नयाँ करारका सत्ताइसऔटै पुस्तकहरू लेखिएका थिए । नयाँ करारलाई ग्रीक भाषामा लेखिएको थियो ।”  नयाँ करारको बारेमा एल.जेटर वाकर लेख्छन्, “नयाँ करार ख्रीष्टको जीवनकथा र ख्रीष्टियान विश्वासको शुरु हो । यी पुस्तकहरूमा सबै विश्वासीहरूका निम्ति निर्देशन, प्रतिज्ञाहरू, भविष्यका निम्ति भएका भविष्यवाणीहरू, ख्रीष्टसँगको अनन्त जीवनको आशा जस्ता कुराहरू समावेश गरिएका छन् ।”  नयाँ करारले यहुदीजातिका साथै अन्यजातिहरूलाई पनि परमेश्वरको राज्यको बारेमा सुसमाचार सुनाई सबै मानिसहरूलाई आशाको प्रदान गर्दछ । यस्तै “पुरानो करारमा येशू ख्रीष्टलाई मसीहको रुपमा प्रकट गराई पापबाट छुटकारा दिलाउने परमेश्वरको योजना पूर्ण गर्न पुरानो करारले छाडेको कुरालाई नयाँ करारले टिप्छ । यसले ख्रीष्टको पहिलो र दोस्रो  आगमनमाथि प्रकाश पार्नु साथै ख्रीष्टलाई प्रत्येक व्यक्तिले परमेश्वरकै स्वरुप ठानी ग्रहन गरुन् भन्ने परमेश्वरको इच्छा प्रकट गर्दछ ।”  नयाँ करारले विषेश गरी पुराना करारका गरिएको भविष्यवाणीहरूको परिपूर्ति गर्ने कार्य गर्दछ ।

नयाँ करारको बर्गीकरणः

पुरानो करारलाई झै नयाँ करारलाई पनि पाच भागमा विभाजन गरिएको छ ।

“नयाँ नियमका पुस्तकहरूमा बताइएको ऐतिहासिका घटनाहरू ६ ई.पू. देखि ९५ सम्म गरी करीब १०० वर्षको अवधिका कुराहरू लेखिएका छन् । यो समयको अवधिलाई तीन भागमा विभाजन गर्न सकिन्छ , १) येशू ख्रीष्टको जीवन र सेवाकाई  २) मण्डलीको शुरु र यसको वृद्धि  ३) मण्डलीको लगातार वद्धि र सतावट ।” 

नयाँ करारबारे जान्नै पर्ने तथ्यहरूः

1. नयाँ करारका सम्पूर्ण पुस्तकह करिब ५० बर्ष भन्दा केही बढी समयमा लेखिएको थियो ।
2. नयाँ करारका २७ वटा पुस्तहरू लेख्नको लागि करिब ८ जना लेखकहरू थिए ।
3. नयाँ करारका २७ वटै पुस्तकहरू ग्रीक भाषामा लेखिएको थियो ।
4. नयाँ करारका सम्पूर्ण पुस्तकहरू पहिलो शताब्दीमा नै लेखि सकेको थियो ।
5. ई.सं.३९७ मा कार्थेजको परिषद्द्वारा २७ वटा पुस्तहरूलाई परमेश्वरको प्रेरणा भएको धर्मशास्त्रको रुपमा मान्यता प्रदान गरिएको थियो ।
6. १५ औँ शताब्दीसम्म नयाँ करारका सम्पूर्ण प्रतिलीपि हालले लेख्ने गर्दथे ।
7. सम्पूर्ण बाइबल भरी लूका र प्रेरित मात्र अन्यजातिले लेखेका पुस्तक हुन् ।
8. नयाँ नियमका देखिने सदुकी, फारसी पुरानो करारमा थिएन । यीनिहरू ४०० बर्षको मौनताको सयममा प्रकट भएका यहुदीहरूका २ समुहहरू थिए ।
9. नयाँ करारमा बारम्बार प्रयोग भएको शब्द “सभाघर” पनि मौनताको समयमा स्थापना गरिएको थियो ।